Төтенше жағдай Қарағандыдағы орталық саябақта орын алды. Ішінде балалар ойнап жүрген үрлемелі батут қатты желдің екпінінен ұшып кеткен.
25 мамыр қарағандыда әдеттегідей көңілді басталды. Мектеппен қоштасқан оқушылар орталық саябақта серуен құрған. Бірақ кешкісін ауа-райы бұзылып, жел тұрған. Кәсіпкерлер болса қауіпсіздіік шараларын сақтап, батутты жинаудың орнына, кәсібін жалғастырған. Нәтижесінде қатты соққан желге шыдас бермей, үрлемелі батут ұшып кеткен.
"Оқиға салдарынан он бір жасар бала алған жарақатынан оқиға орнында көз жұмды, тағы екі бала түрлі жарақаттармен ауруханаға жатқызылды", - деп хабарлады полиция департаментінің баспасөз қызметі.
Куәгерлердің айтуынша, батут қатты желдің салдарынан ұшып барып, темір будкаға соғылған. Бала 10 минуттан кейін ессіз күйде табылды.
"Аталған
факті бойынша 306-бап, 3-бөлім "Адам
өліміне әкеп соқтырған қауіпсіздік
талаптарына сай келмейтін қызмет
көрсету" бойынша қылмыстық іс тіркелді.
Қажетті сараптамалар тағайындалды. Осы
объектіні пайдалану жөніндегі құжаттама
алынады",-деп хабарлады полиция департаменті.
