33 жастағы әйел сөреден ішіп-жемін тегін алғысы келіп, ақысын төлемей кеткен. Оқиға Шымкент қаласындағы азық-түлік дүкендерінің бірінде күндізгі уақытта орын алған. Жәбірлеушінің айтуынша, өзіне тиесілі дүкеннен бейтаныс азаматша нан, сүт, шұжық өнімдерін алып, телефон қосымшасындағы жалған түбіртекті көрсеткен. Кейін дүкеннен шығып кеткен. Жалпы келтірілген шығын – 24 810 теңгені құрапты.
«Күдікті өз кінәсін толықтай мойындады. Мұндай заңсыз әрекетке қаржыдан қысылғандықтан барғанын жеткізді. Тергеп-тексеру амалдары жүргізілуде» деп атап өтті полициядағылар.
