Астана медицина университетінің бұрынғы проректоры сотталды

28 шілде, 10:43

Жоғары оқу орнының экс-проректорына пара алды және пара бермек болған деген айып тағылған.

Сыбайлас жемқорлық қарсы күрес қызметіндегілер университеттің бұрынғы қызметкерінің сотталғаны туралы ақпарат таратты.

Нұр-Сұлтан қаласы «Байқоңыр» аудандық №2 соты үкімімен Астана медицина университетінің проректоры М.Дәулетьярова 3 жылға бас бостандығынан айырылды. Ол жазасын қауіпсіздігі орташа түзеу мекемесінде өтейтін болады.

«Ол жеке компаниялардың басшысы Э.Гриценкодан электронды кітаптарды жеткізудегі жалпы қамқорлығы үшін 10 000 АҚШ доллары сомасында пара алғаны үшін, сондай-ақ делдал М.Қапаров арқылы ректор лауазымына тағайындау үшін 47 000 АҚШ доллары сомасында пара беруге әрекет жасағаны үшін кінәлі деп танылды. Сот Гриценконы 3 жылға бас бостандығынан, делдал Капаровты 7 жылға бас бостандығынан айыруды тағайындады» делінген ведомства мәліметінде.

Үкім заңды күшіне енген жоқ.

Тегтер: Қазақстан жаңалықтары