Оқиға 8 қаңтар күні орын алған. Елордадағы № 28 мектептің 11-сыныбында оқитын Илья Шавиков көшеде келе жатып әмиян тауып алады. Айтуынша, әмиян ішінде банк картасы мен 112 мың теңге ақша болыпты. Оқушы дереу оны қалалық полиция департаментінің табылған заттар бюросына өткізеді.
Бюродағылар көп ұзамай әмиянның иесін анықтады. Ол қала тұрғыны болып шықты. Полицейлер тұрғынды шақырып, мектеп оқушысы оған әмияны мен ақшасын табыстады. Ұрланған затын еш шығынсыз тауып алған бойжеткен оқушы мен оның ата-анасына алғысын жаудырды. Өз кезегінде полицейлер де Илья Шавиков пен оның ата-анасына ұлына берген тәлімді тәрбиесі үшін алғысын айтты.
