Емшіден таяқ жеген тұрғын Ақтөбе облыстық полициясына шағымданды, деп хабарлайды облыстық ПД баспасөз қызметіне сілтеме жасай отырып Elitar.kz.
"Соңғы уақытта психологиялық ауытқуы бар адамдарды емдейміз, адамдардың ішіне кірген "жынды" шығаруға көмектесеміз деп жүрген дін ұстанушы азаматтарды көп кездестіреміз. Осы емшілер дұғалар оқып, әртүрлі шөптен жасалған қоспаларды ішкізіп, сол үшін 3000-10000 теңге аралығында төлем алады. Мамыр айының соңында деструктивті діни ағымды ұстанушы тұрғын емделушінің ішіне жын кірген деп, оны еріксіз үйге қамап, таяқпен ұрып, әртүрлі жағымсыз ұнтақ қоспаларды ішкізген. Емделуші осы жағдайдан құтылғаннан кейін, полиция қызметкерлеріне жүгінген", - деп хабарлады облыстық ПД баспасөз қызметі.
Осы оқиғаға қатысты Қазақстан
Республикасының ӘҚБтК 424-бабына сәйкес,
яғни, "заңсыз медициналық және (немесе)
фармацевтикалық қызметпен айналысу"
фактісі бойынша жалған емшіге айыппұл
салынды.
