Түркістан облысы полицейлері ауруханадан телефон ұрлап кеткен күдіктіні ұстады, деп хабарлайды ТО ПД-нің баспасөз қызметіне сілтеме жасай отырып Elitar.kz.
Денсаулығына байланысты емделуге ауруханаға жатқан жергілікті тұрғын палатада ұйықтап жатқанда бас жағында үстел үстінде тұрған ұялы телефонын белгісіз тұлға ұрлап кеткен.
Аталған жайт ҚР ҚК-нің 188-бабы бойынша тіркеліп, сотқа дейінгі тергеп-тексерудің бірыңғай тізіліміне енгізілді.
Ұрлық болған ауруханаға жеткен аудандық полицейлер тез арада іске кірісіп, ұрының жеке басын анықтау мақсатында қажетті деген жедел-іздестіру шараларын жүргізеді.
Жедел-іздестіру шаралары барысында бұрын сотты болған жергілікті тұрғын ұрлық орын алғаннан кейін небәрі 4-5 сағат ішінде табылып, көшелердің бірінен ұсталды. Айғақты зат ретінде ұрланған телефон тәркіленіп алынып, заңды иесіне қайтарылды.
Күдікті
кінәсін толық мойындаған. Қазіргі таңда аталған жайтқа
байланысты сотқа дейінгі тергеу амалдары
жүргізілуде. Күдіктінің осы секілді
басқа да істерге қатыстылығы тексерілуде.
