Шымкентте ойын-сауық орталықтарының бірінде коронавирус жағдайы анықталды деп елді дүрліктірген видео авторы ұсталды, деп хабарлайды Shymkent Plaza орталғына сілтеме жасап Elitar.kz.
"Бүгін өрт кезінде жасалынатын тактикалық оқу жұмыстары кезінде коронавируске шалдыққан адам сауда орталығында болған деген видео жария етілді. Қазіргі таңда видеоны түсірген азамат ұсталды. Аталған видео Whats App мессенджерінде тарап кетті. Сол себепті тұрғындарға даурығудың қажеті жоқ екенін және тек біздің парақшамызда жария етілгег ресми ақпаратқа сену керектігін еске саламыз" делінген хабарламада.
Айта кетейік, ұсталған видео авторы видеоүндеу жариялады. Ол өз кінәсін мойындады.
"Мен, Әлібек Әмзеев, дәл қазір Шымкент қаласындамын. Бүгін таңертең коронавирус жұқтырған адам туралы видео пайда болды. Аталған видеоны мен ақымақтықпен түсірген едім. Қала тұрғындары мен "Shymkent Plaza" әкімшілігінен ол әрекетім үшін кешірім сұраймын. Себебі аталған ақпарат шындыққа сай емес",-деді тұрғын.
⠀⠀
