Қазақстандағы ойыншықтардың 47% қауіпсіздік талаптарына сай келмейді

20 шілде, 16:24

Елімізде тексерілген балалар ойыншықтарының 47% қауіпсіздіктік талаптарына сай болмай шықты.

Санитариялық-эпидемиологиялық бақылау комитеті балалар ойыншықтарының 1499 үлгісін зерттеді. Тексеру нәтижесінде 706-сыі «Ойыншықтардың қауіпсіздігі туралы» талаптарға сәйкес келмеді, бұл 47,1% - ды құрады. Оның ішінде, отандық - 9 (1,3%), ЕАЭО-ға мүше мемлекеттерде жасалынғаны - 59 (8,4%), басқа елдерден импортталғаны - 638 (90,3%).

Бұл туралы Санитариялық-эпидемиологиялық бақылау комитетіндегілер мәлімдеді.

Кемшіліктердің негізгі бөлігі таңбалау талаптарын бұзуға келетін-97,6%, органолептикалық көрсеткіштер бойынша -3,3%. Санитариялық-химиялық бойынша 23 үлгіде қауіпсіздік көрсеткіштерінің асып кетуі анықталыпты.

«Анықталған заң бұзушылықтардың барлық фактілері бойынша кәсіпкерлік субъектілеріне оны жою тәртібін міндетті түрде түсіндіре отырып, Қазақстан Республикасы заңнамасының талаптарын бұзушылықтарды жою туралы ұйғарым берілді. 21,5 кг ойыншық сауда кәсіпорындарында сатудан алынды. Себебі сатуға қойылған өнім оның қауіпсіздігін растайтын құжаттарсыз сатылған. Кейбір ойыншықтар үшін Қырғыз және Ресей сертификаттау органдары берген сәйкестік сертификаттары ұсынылған болып шықты. Бұл сертификаттарының қолданылуын тоқтату үшін еліміздің Сауда және интеграция министрлігінің Техникалық реттеу және метрология комитетіне 2 материал жіберілді»,-деді комитеттегілер.

Тегтер: Қазақстан жаңалықтары