Бұқаралық ақпарат құралдарының өкілдері бірінші - «Аялы алақан» №5 арнаулы әлеуметтік қызметтер көрсету орталығының жұмысымен танысты. Орталық - арнаулы әлеуметтік қызметтерге мұқтаж психоневрологиялық ауытқулары бар тірек- қимыл аппараты бұзылған үш жастан он сегіз жасқа дейінгі мүгедек балаларға қызметтер көрсетеді. Қазіргі таңда орталықта 110 қызмет алушыға арнаулы әлеуметтік қызмет түрлері көрсетілуде.Орталықтағы мамандар ерекше күтімді қажет ететін балалардың қимыл-қозғалысын жақсарту үшін күнделікті оңалту, жаттығу сабақтарын ұйымдастырады. Мұндай жаттығулар кезінде вертикализаторлар мен көпфункционалды орындықтар да тиімді қолданылады.
Қоғам үшін ең бастысы – тәуелсіздік, адам үшін бас бостандығы және уайым қайғысыз өмір. Оның кепілі – заңдылық. Тәуелсіздік төрімізден орын алған қоғамымыздағы ең басты құндылық – адам бостандығы. Сондықтан, әр адамның қауіпсіздігі өте маңызды. Десекте, соңғы кездері отбасылық жанжалдан зардап шеккендерді естіп, біліп жүрміз. Осындай олқылықтардың алдын алу үшін арнайы орталықтар бар. Соның бірі, Шымкент қаласындағы отбасыларды әлеуметтік қолдау жүйесімен тікелей айналысатын бірегей мекеме - «Бақытты жанұя» орталығы. Журналистер пресс-тур барысында аталған мекеменің жұмыс барысымен танысты.
Орталықтың мақсаты – қиын жағдайға тап болған әр-бір отбасыға психологиялық, әлеуметтік және құқықтық көмек, сонымен қатар, отбасы институтының дамуына жан-жақты қолдау көрсету.
Мекеме жалпы 20 бағыт бойынша қызмет алушыларға көмек көрсетсе, биыл жыл басынан қысқа мерзімді тегін оқу курстарынан 600-ден аса ана өткен. Бүгінгі таңда, қала бойынша 37 014 адамға (ақпараттық қолдау, психологиялық, медиаторлық, құқықтық кеңес беру, атаулы әлеуметтік көмекке құжат тапсыру, білім, денсаулық сақтау, тұрғын үй кезегіне тұру, Еqov.kz порталы арқылы құжаттарды тапсыру немесе алу қызметтері, aleumet.egov.kz сайты арқылы азық-түлік себеттеріне тіркелуіне және т.б.) қызмет көрсетілді.
Жалпы, мекеме қызмет алушыларға 20 бағыт бойынша көмек көрсетеді, ағымдағы жылдың басынан бастап 600-ден астам ана қысқа мерзімді тегін курстардан өтті. Бүгінгі таңда қала бойынша 31 382 адам орталыққа ақпараттық қолдаудан, психологиялық және құқықтық кеңес беруден бастап медициналық-әлеуметтік сараптама (ВТЭК) жүргізуге дейінгі түрлі көмек түрлеріне жүгінді. 501 азаматқа психологтың жеке консультациясы, 358 азаматқа - заңгердің кәсіби консультациясы берілді.
"Тұрақты табыс алу және кәсіпті игеруге қолдау көрсету үшін тігінші, кондитер, компьютерлік сауаттылық, Шаштараз өнері, SMM, балалар массажы, маникюр, педикюр, логопед-дефектологтың арнайы курстары ұйымдастырылды. Тегін кәсіптік оқыту курстарынан өткен азаматтар арасында кәсіптің қыр-сыры туралы ақпараттық - түсіндіру жұмыстары жүргізілді",-деп хабарлайды Шымкент қаласы әкімдігінің баспасөз қызметі.
