Балалар үйінің тәрбиеленушілері полицейлермен экскурсия жасады

03 мамыр, 19:29

Қаладағы №4 балалар үйінің тәрбиеленушілері Шымкент қаласы Полиция департаментіне саяхаттап, мұражайымен танысты, деп хабарлайды Шымкент ПД баспасөз қызметіне сілтеме жасай отырып Elitar.kz.

Балалар саяхат барысында полиция қызметінің қыр-сырына қанықты. Ардагер сақшылар мен олардың жасаған ерліктері туралы мағлұматтар алды.

Балалар үйінің тәрбиешісінің жетекшілігімен келген балалар сондай-ақ ІІО-ның құрылу тарихымен танысты. Сонымен қатар, балалар бұрынғы әскери тұтқынға алынғандар мен Германиядан жер аударылған КСРО азаматтарының қылмыстық істері туралы мәліметтер алды.

Мұражайдан шыққан соң оқушылар Шымкент қаласы Полиция департаментінің бастығы, полиция полковнигі Ералы Жумаханбетовпен бірге суретке түсіп, Департамент ғимаратының алдындағы ерлікпен қаза тапқан қызметкерлерге арналған ескерткішке гүл шоқтарын қойды.