Шымкент тұрғыны пәтер аламын деп оңбай алданды. Жәбірленушінің айтуынша, 6 жылдан бергі танысы мемлекеттік бағдарлама бойынша үш бөлмелі үй алып беремін деп 2 миллион теңгесін алаяқтық жолмен иемденген. Алайда қомақты қаржыны алған соң уәдесін орындамаған, ақшаны да қайтармаған.
«Тергеу кезінде ұсталған тұрғынның алған ақшаны өз қажеттілігіне жаратып жібергені белгілі болды. Тергеу амалдары жүргізілуде»,-деді қалалық Полиция департаментіндегілер.
