Алматы қаласының әкімі Бауыржан Байбек балаларын алып қала тұрғындарымен бірге Панфилов көшесінде серуендеп, үйіне метромен қайтқан. Бұл туралы ол өзінің инстаграм парақшасында баяндады, деп хабарлайды Elitar.kz.
Жексенбілік кешті Панфиловте балалармен бірге өткізгісі келген Алматы қаласының әкімі Бауыржан Байбек автобус аялдамасындағы кемшіліктерді байқаған.
«BRT желісі бойынша 205 автобусты күте отырып, аялдамадағы қағаз кестеде осы маршруттың жоғын байқадым. Бірақ автобус электронды таблоға сәйкес уақтылы келді»,-деді әкім.
Таяуда
қалаға тағы да жаңа автобустар жеткізілетін
болды. Әкім автобустардың ең ескі
автобустар жүретін 38-бағытқа берілетінін
айтып уәде берді.
«Екі жыл ішінде Алматының автобус паркі 80% - ға жаңартылды, бірақ әлі де мәселелер бар. 38 маршрут бойынша ескі автобустарға көп шағымдар келіп түседі. Жақында тағы 500 автобус келеді. Бұл маршрутты бірінші кезекте жаңартамыз»,-деді ол.
Серуен
кезінде Бауыржан Байбек қала халқының
көңіл күйі көтеріңкі екенін байқағанын
жазды. Тұрғындардың қуанышты жүзі мен
жастардың кітапқа құмарлығы әкімнің
назарынан тыс қалмаған:
«Панфилов/Төле биге де жеттік. Қала тұрғындарының көңіл-күйі жақсы. Барлығы күлімдеп жүр, кафелер мен мейрамханалар толы. Гоголь көшесіндегі кітапханаға кірдік. Жастардың көбі қуантты».
Әкім
сондай-ақ метродағы кемшіліктердің де
жойылатынын айтты.
«Үйге метромен
қайттық. Ескі станцияларда барлық жерде
шағын мобильді топтар үшін жағдай жасалмаған,
дәретханалар жоқ. Жаңа жобаларда мұның
бәрі ескерілетін болады»,-деді Байбек.
⠀
Жақында Алматыға жұмыс сапары барысында
Мемлекет басшысы Қасым-Жомарт Тоқаев метрополитеннің
екі станциясының құрылысын жалғастыруға
республикалық бюджеттен қосымша 2 млрд теңге бөлуді тапсырғандығын алға тартқан
Байбек:«8 жаңа жылжымалы құрам (32 вагон)
сатып алынды. Қазір Алматы метрополитенінде
7 құрам бар (28 вагон) бар. Осылайша, олардың
санын екі еседен артық ұлғайтамыз»,-деп
алдағы жоспарымен де бөлісті.
