Қазақстанда 225 мыңнан астам медбике мен орта медициналық қызметкерінің жалақысы 30 %-ға көтеріледі
Бұл туралы Үкіметтің кезекті отырысында Денсаулық сақтау министрі Елжан Біртанов мәлім етті, деп хабарлайды Elitar.kz ҚР Премьер-министрінің сайтына сілтеме жасай отырып.
Денсаулық сақтау министрлігінің мәліметінше, ағымдағы жылдың 1 шілдесінен бастап табысы төмен барлық медбикелер мен кіші медициналық қызметкерлердің жалақысы 30% -ға артады. Сондай-ақ, ең қажетті мамандықтар бойынша дәрігерлердің жалақысы ұлғайтылатын болады. Мәселен, орта медициналық персоналдың жалақысы 76 мың теңгеден 100 мың теңгеге дейін, кіші персоналдың жалақысы 48 мың теңгеден 63 мың теңгеге дейін артады.
"Осылайша, орта буындағы 225 мыңнан астам медбике мен медқызметкерлердің және 29 мыңнан астам дәрігерлердің жалақысы артады", — деді Е. Біртанов.
