Салықты дер кезінде төлеп жүріңіз, әйтпесе автокөліксіз қалуыңыз мүмкін. Осылай деп ескерткен Шымкент қаласының Мемлекеттік кірістер департаментінің қызметкерлері қала тұрғындарынан салық және бюджетке басқа да міндетті төлемдер бойынша қарыздарды жинау жұмыстарына кірісті, деп хабарлайды Elitar.kz тілшісі.
Салықшылармен бірге прокуратура, полиция қызметкерлері және сот орындаушылары да бірге жүріп, Шымкенттің көшелерінде рейд ұйымдастырды. Тәртіп сақшылары мемлекеттік кіріс департаментінің мәліметтер базасына тіркелген борышкерлердің автокөліктерін тоқтатуда.
