Үкімет кулуарында ҚР Білім және ғылым министрі Күләш Шәмшидинова балаларды мектепке беруден бас тартқан ата-аналардың жауапкершілігі туралы айтты, деп хабарлайды Zakon.kz тілшісі.
"Айыппұлға қатысты айтсам, ол балаларды мектепке жібермейтін ата-аналар үшін салынады. Өкінішке орай, 1 сыныпта ғана емес, басқа да сыныптарда да осындай мәселелер бар. Мәселенің бір жағын шешкенде, екіншісі пайда болады. Алайда, айыппұл тек барлығына емес, жеке жағдайлар үшін", - деп түсіндірді ведомство басшысы.
Сонымен қатар Шәмшидинова 6 жастан бастап балаларды оқытудың заңнамалық міндеттілігін атап өтті.
"Алты жасар балаларға қатысты. Заңда 6 жастан бастап мектепте оқу басталады, сондықтан ата-аналар 6 жастан бастап балаларды мектепке жібергені жөн. Жалпы, бұл заңда 6 жылдан бері бар. Бірақ біз әрбір адам жеке тұлға екенін білеміз. Бұл ұстанымнан ата-ана да баланың мектепке қаншалықты дайын екенін көруге тиіс, бірақ бұл ата-ана сабаққа қалаған кезде жіберіп, жібермейтінін білдірмейді. Заңға бұл мәселе жақында енгізілді, қазір БҒМ де мониторинг жүргізуде", - деп түсіндірді министр.
Оның айтуынша, ведомство 6 жастағы балалар балабақшаларда қалып отыр деген мәселеге шешім іздеу үстінде.
"Тағы да балалар мәселесі. Тегін қамтамасыз етілетін мектепке дейінгі дайындық бар. Егер бала мектепалды даярлықты 5 жыл және 8 ай бастаса, онда ол бұл бағдарламаны мектепке дейінгі ұйымда аяқтауы тиіс. Басқа да сұрақ бар, ертең тексеруші ұйымдар "неліктен 6 жастағы бала бақшаға барады?"деуі мүмкін. Сондықтан қазір біз бұл мәселені шешудің заңды жолдарын іздейміз. ", - деді БҒМ басшысы.
