Коронавирустан ажал құшқандар саны 80 адамға жетті

27 қаңтар, 11:07

Бір тәулік ішінде коронавирус құрбандарының саны 80 адамға жетті. Бұл дертті 2,7 мыңнан астам адам жұқтырды. Қытай дәрігерлерінің бақылауында тағы 5,7 мың адам бар, оларда жаңа типтегі вирустық пневмония болуы мүмкін Әлем бойынша 2 744 жұқтыру жағдайы тіркелген. Бұл туралы ресми мәліметтерге сілтеме жасай отырып NetEase ақпарат жария етті. Бұған дейін аталған вирустан көз жұмғандар саны 56 адам болғаны туралы rbc.ru мәлімет таратқан болатын, деп хабарлайды Elitar.kz.

Қытай дәрігерлері коронавирусқа күдік тудырған пневмонияға шалдықты деген болжаммен 5,7 мың пациентті тексеруде. Вирусты нақты жұқтырғандардың 461-і ауыр халде жатыр.

Вирусты жұқтырғандар саны Қытайдан тыс жерлерде де тіркелген. Қазіргі таңда бұл дертті Тайландта - 7, Сингапур мен Австралияда - 4 адамнан, Жапония, Малайзия, Оңтүстік Корея, Франция мен АҚШ-та 3 адамнан және Вьетнамда 2 тұрғын жұқтырған жұқтырған.

Қытайда дерттерді бақылау және алдын алу орталығының сарапшылары вирустың негізгі ошағы Уханьдағы теңіз өнімдері нарығында сатылған жануарлар болып табылатынын анықтады.

Қытайдың ұлттық денсаулық сақтау комиссиясының басшысы Ма Сяовэй хабарлағандай, вирусты 14 күнге дейін созылатын инкубациялық кезеңде жұқтыруға болады. Оның айтуынша, коронавирус туралы мәлімет аз. Сонымен қатар адам үшін қандай қауіп тудыруы мүмкін деген нақты түсінік те жоқ.

ФОТО: ВВС

Тегтер: Әлем жаңалықтары