Бұл туралы life.ru-ға сілтеме жасай отырып elitar.kz хабарлайды.
Оқиға 21 тамызға қараған түні болған. Басылымның мәліметінше, депутат Азат Зарипов әйелі Еленаны балаларының көзінше өлтірген.
"11 жастағы ұл бала мен үш жасар қызды әжесі (Еленаның анасы) алып кетті. Балалармен енді қорғаншылық органдары айналысады", - деп жазады басылым.
Азат құқық қорғау органдарына олардың отбасында екі ай бұрын жанжал басталғанын мәлімдеді. Жұбайы басқа адам тауып, онымен желіде хат жазысқан. Зарипов бірнеше рет әйелімен сөйлесіп, отбасын сақтап қалғысы келген. Ер адам опасыздық туралы білгеннен кейін саналы түрде қолын қанға былғағанын мойындаған. Алдымен Еленаны пышақтағысы келген, сосын екі бөтелке сыра ішіп, оны атып тастаған. Қару аңшы құралы ретінде тіркелген.
