Қазақтың талантты ұлы Димаш Құдайбергенді әлемге танытқан «Опера – 2» әнін жанды дауыста орындаған бойжеткен желі қолданушыларын таң қалдырды. Оның есімі – Аружан. Кез келген өнер иесі орындай алмайтын әнді күптеген жерден шырқаған қыз бұл сәтті видеосын ТікТок парақшасында жариялады.
«Таза дауыс, таза талант, таза орындау. Оның үстіне музыкасыз шырқап тұр. Салмақты ән додаларында бағыңды сынап көру керек екен», «Тамаша дауы иесі», «Жарайсың», «Қарындасым, саған әлем сахнасында ән орындау жазсын», «Әдемі», «Музыка болса, Аружанымыз жарып тұр ғой. Тек алға», «Мықты» деп жазды желі қолданушылары.
