Шымкентте 44 жастағы ер кісі бір жылдан бері таныс жолдасын үйіне қонаққа шақырып, соңында ақшасынан айырылды. Осылай деген жәбірленуші полицейлерден көмек сұраған. Ер кісінің айтуыша, досы үйіне келген кезде ас үйде тұрған қол сөмкесінің ішінен қомақты қаржыны жасырын түрде ұрлап кеткен. Келтірілген жалпы шығын көлемі - 130 мың теңге.
«Ұсталған азамат өз кінәсін толықтай мойындап, заңсыз әрекетке қаражаттың жетіспеушілігінен барғанын жеткізді. Қазіргі кезде ұрланған ақша тәркіленіп, иесіне қайтарылды. Тергеу амалдары жүргізілуде» деп атап өтті қалалық Полиция департаментіндегілер.
