13 наурыз, 10:56
9 наурыз күні Қазығұрт ауданындағы елдімекендердің бірінде жол-көлік апаты орын алды.
Оқиға орнына жеткен полиция қызметкерлері "Дэу Нексия" автокөлігін мас күйінде басқарып, жолдың қарсы бағытына шығып кетіп, "ВАЗ"автокөлігімен соқтығысқан жүргізуші Шымкент қаласының тұрғыны екенін анықтады. Көлік апатынан соң "ВАЗ" автокөлігінің жүргізушісі ауруханаға шағымданған.
Қазығұрттың тәртіп сақшылары "Дэу Нексия" көлігінің жүргізушісін ұстап, медициналық сараптама нәтижесінде оның орта дәрежедегі масаң күйде екені белгілі болды.
Қазіргі уақытта аталған факті бойынша ҚР ҚК-нің 346-бабы "Көлік құралдарын жүргізу құқығынан айырылған және алкогольдік, есірткілік және (немесе) уытқұмарлық масаң күйдегі адамның көлік құралын басқаруы, сол сияқты көлік құралын жүргізуді осындай адамға беру немесе осындай адамды көлік құралын жүргізуге жіберу" бойынша сотқа дейінгі тергеу жүргізілуде.
Ер адам қамауға алынды. Айта кетерлігі, "Дэу Нексия" көлігінің жүргізушісі 2019 жылдың қыркүйек айында Қазығұрт аудандық сотының шешімімен ҚР ӘҚБтК-нің 608-бабы бойынша автокөлікті басқару құқығынан үш жыл мерзімге айырылғаны белгілі болды.
Автор:
Elitar.kz
