Паттайяда (Таиланд) көркем гимнастикадан Азия чемпионаты аяқталды. Шымкенттік спортшылар жақсы нәтиже көрсетті. Бұл жарыс ең беделділердің бірі болып саналады.
Бұл чемпионатта Қазақстан құрамасының сапында екі шымкенттік спортшы – Елжана Тәниева (2005 жылы туған) және Милана Парфилова (2007 жылы туған) болды.
Елжана Тәниева лентамен жаттығуда бір алтын, сойылмен жаттығуда бір күміс медаль жеңіп алды. Милана Парфилова да екі медаль жеңіп алды: доппен жаттығуда алтын медаль және құрсаумен жаттығуда күміс медаль.
Спорт комитетінің өкілі айтуынша, көркем гимнастика бойынша ҚР бас жаттықтырушысы, ҚР еңбек сіңірген жаттықтырушысы Әлия Юсупованың жетекшілігімен біздің спортшылар түрлі деңгейдегі жалпы 13 медаль жеңіп алды. Олардың алтауы-алтын, бесеуі-күміс және екеуі-қола. Алдағы жоспарлар-тамыз айында біз бірнеше ірі жарыстарға шақыру алдық. Яғни, біздің қыздар тамыз айында Түркияда өтетін көркем гимнастикадан Ислам ынтымақтастығы ойындарына және Румынияда өтетін Әлем кубогына қатысуды жоспарлап отыр. Сондай-ақ, қыркүйекте Болгарияда өтетін әлем чемпионатына шақыру бар
Айта кетейік, топтық жаттығуларда Қазақстан құрамасы құрлық біріншілігінің алтын жүлдесін жеңіп алды. Қазақстандық спортшылар құрсаумен жаттығулардың финалында 30 ұпай жинап, бірінші болды.
