Сеул қаласының жедел штабы мен полициясының мәліметінше, Итэвон ауданындағы қайғылы оқиға салдарынан қаза тапқандардың арасында Қазақстан Республикасының азаматы, 1996 жылы туған, Ақтөбе облысының тумасы табылды. Ол Корея Республикасының жоғары оқу орындарының бірінің студенті болған.
ҚР СІМ мәліметінше, қазақстандық дипломаттар қаза тапқан азаматтың туыстарымен байланыста, құжаттарды ресімдеуге және мәйітті Қазақстанға одан әрі жеткізуге барлық қажетті көмек көрсетуде.
Ертеректе ҚР СІМ хабарлағандай, Корея Республикасындағы Қазақстан елшілігінің консулдық бөлімі тәулік бойы жұмыс режиміне ауыстырылды. Сондай-ақ, Кореялық құзыретті органдармен тұрақты байланыста болатын жедел штаб құрылған.
Мекен-жай: 53 Jangmun-ro, Yongsan-gu, Seoul, 140-809 서울시 용산구 장문로 53, 140-809.
Әлемдік БАҚ өкілдері хабарлағандай, барлығы 19 шетелдік азамат қайтыс болған, олардың арасында Өзбекстан, Қытай, Норвегия, Иран, Ресей, Қазақсттан азаматтары болған. Айтпақшы, Ресей Федерациясының Оңтүстік Кореядағы Елшілігі Сеулдегі қысым кезінде үш ресейліктің қайтыс болғанын хабарлады.
Оңтүстік Корея президенті Юн Сок Ель ұлттық аза тұту туралы жариялады.
Қайғылы оқиға Хэллоуинді тойлайтын Итэвон ауданында болды. Ол ені шамамен 4 м болатын тар аллеядан басталды, жол көлбеу және кедір-бұдырлы, кейбір дереккөздер тіпті жолдың тайғақ болғанын хабарлайды.
Жоғалған адамдар туралы 350-ден астам өтініш келіп түскен, негізінен орта мектеп оқушылары, көбісі тіпті 30 жасқа да толмаған. Мерекеге қатысу үшін ұзын саны 100 мыңға жуық адам қала көшелеріне шыққан деген мәліметтер бар.
Айтпақшы, 2014 жылы Севоль паромы апатқа ұшырап, 300-ден астам адам қайтыс болғаннан бері Оңтүстік Кореядағы кеше орын алған оқиға ең ауыр трагедия болды, деп келтіреді жергілікті БАҚ.
