Ұлыбританияда коронавирустан көз жұмғандар саны 11-ден 21 адамға жетті. Вирусты алғаш жұқтыру дерегі Женевадағы БҰҰ-ның штабында тіркелді.
Лондонда жаңа туған сәби қауіпті індетті шалдыққан, ал анасында вирус белгілері болмаған.
Индонезияның Көлік министрі Буди Кариа Сумади коронавирус жұқтырып алды. Бұл туралы "Компас" ақпараттық порталы үкіметтің ресми өкілінің дерегіне сүйеніп ақпарат таратты.
Түркия мен Әзірбайжан коронавирусқа байланысты ел ішінде Президент әкімшілігінің жүк көлігінен өзге әуе мен көлік байланыстарын тоқтатты.
Австриядағы Елшілік мен консулдық виза беруді тоқтатты.
Нью-Йорк губернаторы штатта алғаш рет вирус жұқтыру дерегі тіркелгенін мәлімдеді.
Украинда індетке байланысты 107 пункт жұмысы жабылды.
Мәскеуде корнавирус жұқтырғандар арасында кәмелет жасына толмаған үш бала бар. 10 наурызда олар оқитын сыныптардың барлығы жабылды.
Ал Қазақстанда коронавирус жұқтыру дерегі 6 адамға жетті. Отандық полицейлер күшейтілген жұмыс режиміне көшті.
Apple компаниясы коронавирустың таралу қаупіне байланысты Қытайдағы барлық дүкенін жапты. Компания басшысы Тим Куктың айтуынша, дүкендерді жабу туралы шешім аспан асты елінен шыққан вирустың әлемге таралу жағдайынан соң қабылданған. Apple-дің Қытайдан өзге елдерде орналасқан сауда орындары 27 наурызға дейін толықтай жабылады.
Вирус Майами мэрінде де айналып өтпеді, шетелдік басылымдардың жазуынша шенеунік коронавирусқа шалдыққан.
Дания мен Польша елдері шекараларын жапты.
Дүниежүзілік денсаулық сақтау ұйымының басшысы корнавирус бүгінгі таңда Еуропаның ошағына айналғанын мәлімдеді.
Қытайда өткен тәулікте 22 адам қауіпті індетті жұқтырса, бір күнде Италияда - 2500, Испанияда - 1100, ал Франция мен Германияда 700 адам корнавирусқа шалдыққан.
