24 қараша, 12:13
Ақмола облысы Көкшетау қаласында супермаркеттен өзіне қажетті тауарларды ұрлап кеткен жас жігіт ұсталды.
Облыстық Полиция департаментінің мәліметінше, 25 жастағы жігіттің ұрлық қылмысы ондағы бейнебақылау камерасына түсіп қалған. Бұл туралы полицияға жекеменшік шектеулі серіктестік директоры арызданған. Кәсіпкерге келтірілген шығын сомасы 150 мың теңгеден асқан.
Полицейлер дүкеннің бейнебақылау камераларының жазбаларын қарап, күдіктінің жеке басын анықтады. Ол осы супермаркетке жақын жерде тұратын облыс орталығының 25 жастағы тұрғыны болып шықты. Күдікті сауда орнынан бірнеше рет ұрлық жасаған.
Жас жігіт сыртқы киімінің қалтасына сағыз, конфет, шоколад және басқа да ұсақ тауарларды жасырып, кейін дүкеннен шығып кетіп жүрген.
Қазіргі таңда оның үстінен Қылмыстық кодекстің 188-бабы 1-бөлігі "ұрлық" бойынша іс қозғалып, сотқа дейінгі тергеу жүргізілуде.
