Атырауда вокзал маңында жан-жағына қарамастан жаға жыртысқан жастардың әрекеті жұртты шошытты. Оқиға 26 қазан күні сағат 01:05 шамасында алкомаркеттердің бірінің алдында болған. Белгісіз екі ер азаматтың төбелесіп жатқаны бейнебақылау камерасына түсіп қалған. Бұны байқаған Жедел басқару орталығының қызметкерлері дереу жақын маңдағы патрульдік полиция қызметкерлеріне бағыттама берген.
«Атлаған дерек бойынша 27 және 28 жастағы жігіттерге қатысты Әкімшілік құқықбұзушылық туралы кодекстің 434-бабының1-бөлімімен (ұсақ бұзақылық) әкімшілік хаттама толтырылды. Сот шешімімен оның біріне 15 315 теңге көлемінде айыппұл салынды. Екіншісі 2 тәулікке әкімшілік қамауға алынды»,-деді Атырау облыстық Полиция департаментіндегілер.
