Бостандыққа шыққан ҚР Ұлттық экономика экс-министрі Қуандық Бишімбаевтың суреті бүгін әлеуметтік желілерде пайда болды.
ҚР ІІМ Қылмыстық-атқару жүйесі комитетінің баспасөз қызметіндегілер экс-министрдің бостандыққа шыққаны туралы ақпаратты растады, деп хабарлайды LS-ке сілтеме жасап Elitar.kz.
Бұл ақпаратты Бишімбаев отбасындағы дереккөздер де растады.
Бірақ басқа ақпарат таратылмады. "Отырар" телеарнасындағы әріптестеріміздің мәліметінше, 25 қыркүйек күні экс-министр ісі Шымкенттегі Абай аудандық сотында қаралған.
Естеріңізге сала кетейік, 2018 жылдың 14 наурызында Ұлттық экономика экс-министрі Қуандық Бишімбаев 10 жылға бас бостандығынан айырылды. Сот оны Қызылордада шыны зауытының құрылысы кезінде қаржы жымқырып, бірнеше пара алғаны үшін кінәлі деп тапты. Сонымен қатар онымен бірге сотталушылар қатарында 22 адам – "Бәйтерек Development" АҚ – ның бұрынғы басшылары мен қызметкерлері, сондай-ақ бизнесмендер-құрылыс компанияларының басшылары да болды.
2018 жылы 29 желтоқсанда Түркістан облысы, Төлеби аудандық сотының судьясы Бишімбаев адвокаттарының сотталушыны жалпы режимдегі колонияға ауыстыру туралы өтінішін ішінара қанағаттандырды. Бишімбаев та бұл туралы өзі өтініш түсірген. Қаңтар айында бұрынғы министр Шымкенттегі қауіпсіздік деңгейі орташа колониясына ауысатыны хабарланды.
ФОТО: әлеуметтік желі
