ҚР Ішкі істер министрінің алғыс хатын жасөспірімге Шымкент қалалық полиция департаментінің басшысы Ералы Жұмаханбетов табыс етті, деп хабарлайды департаменттің баспасөз қызметіне сілтеме жасап Elitar.kz.
ҚР Ішкі істер министрі, полиция генерал-майоры Ерлан Тұрғымбаевтың бұйрығымен Бақытжан Беркімбайға «Өртте көрсеткен қайсарлығы үшін» медалі және ата-анасына «Адам өмірін құтқаруда ерлік жасаған баласына үлгілі әрі өнегелі тәрбие бергенші үшін» Алғыс хаты табысталды. Марапатты табыстау сәтінде Шымкенттің бас полицейі Бақытжанға болашақта полиция мамандығын таңдаса, өз тарапынан қолдау көрсетіп ықпал ететінін жасырмады.
Еске салсақ, төтенше жағдай оқиғасы 16 ақпан күні Шымкенттегі Құрсай мөлтекауданында орын алған. 8 сыныптың оөушысы Бақытжан отқа оранған үйге кіріп, бір шетте қорқып отырған 6 жасар қызды және 3 жасар баланы далаға алып шығады. Айта кететін жағдай, Бақытжан өзі жақсы көретін футбол ойнап жүрген кезде қолын шығарып алыпты. Соған қарамастан, жігерлі жас батыр ер азаматтарға тән ерлік жасап отыр.
ФОТО: shymkenttv.kz
