Алдағы мереке күндеріне байланысты Ішкі істер министрлігі күшейтілген қауіпсіздік шараларын қабылдады, деп хабарлайды Elitar.kz.
Шымкент қалалық ПД хабарлауынша, 6-12 мамыр аралығында Ішкі істер органдарының барлық жеке құрамы күшейтілген қызмет түріне ауыстырылды.
Көшелерде және
қоғамдық орындарда нарядтар тығыздығы
артты. Сонымен қатар мерекелік іс-шаралар
өткізу және азаматтардың жаппай серуендеу
орындарына ерекше көңіл бөлінді.
"Қалада
"Мәңгілік Даңқ - Өшпес полк" шеруіне
байланысты полиция қызметкерлері
аталған іс-шараның қауіпсіздігін
қамтамасыз ету бойынша шаралар қабылдайды.
Шымкент қаласының полиция департаменті
жол қозғалысына қатысушыларға апат
жағдайларын болдырмау мақсатында шеру
кезінде қозғалыс маршруттарын алдын
ала жоспарлауды сұрайды.
Сонымен
қатар, қоғамдық тәртіпті бұзудың барлық
фактілері бойынша, сондай-ақ өткізілетін
мәдени-бұқаралық іс-шараларға қатысушыларға
нұқсан келтіруге, қолайсыздық туғызуға
бағытталған іс-әрекеттер бойынша ПОЛИЦИЯ
Қазақстан Республикасының заңнамасына
сәйкес дереу ден қою шараларын қолданатынын
хабарлаймыз",-делінген
хабарламада.
