"Оңтүстік Кореяда Қазақстан азаматының коронавирус жұқтырған" деген мәліметке қарасты төмендегіні хабарлаймыз:
"Аталған ақпарат ресми түрде расталған жоқ. Себебі Оңтүстік Корея тарапынан Қазақстанның Сеулдегі Елшілігіне ешқандай мәлімет келіп түспеді. Сыртқы істер министрлігінің дипломаттары әлеуметтік желілерде тараған ақпараттың қаншалықты шындыққа жанасатынын нақтылап жатыр" делінген хабарламада.
Ақпарат ретінде айта кетейік, бұған дейін бірқатар әлеуметтік желілер мен БАҚ беттерінде Оңтүстік Кореяда жүрген Қазақстан азаматының коронавирус жұқтырғаны және аурухана ғимаратында ол өзінің қауіпті дертке шалдыққанын естіген соң әжетханаға шығып, ары қарай қашып кеткені туралы ақпарат тарады. Кореялық дәрігерлер қазақстандықты іздеп табу үшін Ансонг қалалық полициясына шағым түсірген.
