Жарылыс салдарынан зардап шеккен адамдарға қажетті медициналық көмектің барлығы тиісінше көрсетіліп жатыр. Бұл туралы Денсаулық сақтау министрі Елжан Біртанов Астанада өткен "Нұр Отан" партиясының съезі кезінде тілшілерге мәлімдеді.
«Тараздағы оқиғаға байланысты жергілікті денсаулық сақтау басқармасының басшыларымен сөйлестім. Өкінішке орай, үш адам сол жерде қаза тапты, тағы үшеуі ауруханада. Олардың бірі – бала, жағдайы ауыр. Денсаулық сақтау министрлігі тарапынан қандай көмек болсын көрсетуге дайынбыз. Барлығы медициналық көмек алып жатыр. Бәрі менің жеке бақылауымда”, – деді еліміздің бас дәрігері.
