Мессенджерлерде уланған су мен вирусолог дәрігерлерді арнайы қонақ үйлерге орналастыру және балаларды емдеу, ауруханаларға жаппай қабылдау және реанимация туралы арнайы хаттама дайындау туралы аудиожазба тарап кетті.
Денсаулық сақтау министрлігі бұл ақпарат шындыққа жанаспайды деп отыр.
"Ауыз су арқылы адамдарға әдейі індет жұқтырып жатыр, науқастарды емдеудің арнайы хаттамасы әзірленуде, арнайы қонақ үйлерде вирусолог-дәрігерлер науқастар нөпірін қабылдауға дайындалып жатыр деп тараған хабарламаға сенбеңіздер!
Азаматтарымыз жалған сөздерге сенбейді деп үміттенемін. Коронавируспен күреске қатысты нақтыланған шынайы ақпарат үнемі мемлекеттік органдардың ресми парақшаларында жарияланады.
Жалған мәліметтен абай болыңыз!" делінген ведомство таратқан ақпаратта.
