2017-2018 жылдары турфирманың алаяқтық әрекеттерінен 200-ден астам қазақстандық зардап шекті, деп хабарлайды Elitar.kz "Туристік Қамқор" корпоративтік қорының баспасөз қызметіне сілтеме жасай отырып.
2017-2018 жылдары 200-ден астам қазақстандық туристерді 153 млн теңгеден астам алдаған 10-нан астам алаяқтық компанияның құрбаны болды.
Атап айтқанда, 2017 жылы турфирмалар тарапынан алаяқтық іс-әрекеттердің 4 жағдайы тіркелген. Оннан астам адам 16 млн теңгеден астам зиянмен жалғыз-турфирмалардың заңсыз іс-әрекетінен зардап шекті.
Мысалы, 23 жасар кәсіпкер 2017 жылғы сәуірде Instagram арқылы турларды сатуды ұйымдастырып, алдау жолымен және сенімді теріс пайдаланып төрт жәбірленушіге Доминикан Республикасына және Біріккен Араб Әмірлігіне төмен бағамен жалпы 4,4 млн теңге сомасына турларды уәде еткен.
Сол жылдың тамызында туристік жолдамаларды ұсынып, 10 млн теңгені алдау жолымен иемденген Астанадағы туристік компания басышысын қылмыстық жауапкершілікке тарту туралы полицияға өтініш келіп түсті. Ал қазанда астаналық турфирманың бас директоры жауапкершілікке тартылды. Шетелге турды ұсынып, ер адам алдау жолымен астананың 57 жасар тұрғынының 1 млн астам теңге сомасын иемденген.
Тура сол айда Чехияға билет сатып алған, күйеуімен турфирманы таңдаған әйел адам полицияға жүгінді. Ұшар қарсаңында оларға турфирмада белгілі проблемалар туындағаны хабарлайды. Әйел адам олардың билеттерінің броны жойылғанын аңғарады. Кейін турфирманың алаяқтық іс-әрекеттерінен басқа құрбан шеккендер де полицияға арызбен жүгінді. Директор тұтқындалды.
2018 жылы 200 адам 7 турфирманың және олардың менеджерлерінің алаяқтық іс-әрекеттерінен жалпы сомасы 137 млн теңгеге жәбірленді. Атап айтқанда, шілденің өзінде турфирмалар тарапынан алаяқтықтың 4 фактісі тіркелді. Мысалы, Алматыдағы туристік компания 30 қазақстандықты 19 млн теңгеге алдаған. Фирма Түркияға жолдамаларды арзан бағамен сатқан. Зардап шеккендердің сөздерінше, оларға қонақ үйде брон расталмағаннан кейін күмән туындай бастапты.
Тура сол айда Алматыда турфирманың алаяқтық іс-әрекеттерінен 10 адам зардап шеккен. Шығын сомасы 10 млн теңгеден асты.
47 үндіс турисі Қазақстанға келмек болып, құжаттарады ресімдеу міндетін алған фирмаға 5 млн теңге төлеген. Кейін анықталғандай, фирма оларға визаны ресімдемеген болып шықты, ақшаны да қайтармаған.
Басқа жағдай 2018 жылғы маусымда Қарағандыда орын алды. Дем алуға ұша алмаған және төленбеген билетпен қонақ үйде және қарыз қолхаттарымен қалған 18 адам полиция арқылы турагент директорына іздеу салды.
Ал қыркүйекте Өскеменде 60-тан астам адам туркомпаниялардың іс-әрекеттерінен зардап шекті. Директорға қатысты қылмыстық іс қозғалды. Келтірілген шығын сомасы 30 млн теңгені құрады.
Қазан айында 50 адам алаяқ компаниядан Оңтүстік Кореяға тур сатып алды. Зиян шеккендер тиісті арыздарымен полицияға жүгінді. Келген шығынның жалпы сомасы – 17 млн теңге.
Желтоқсанда Ақтөбеде турфирма менеджері 56 млн теңгені жымқырып, қашып кеткен. Сотта өкіл хабарлағандай, орын алмаған демалыста компанияның кінәсі жоқ. Олардың менеджері клиент ақшаларымен қашып кеткен болып шықты. Турфирманың өзі зардап шегуші жақ болып саналып, менеджер халықаралық іздеуге салынды.
Барлығы 2010 жылдан бері жыл сайын чартерлік авиакомпаниялардың проблемаларына ұласып жағдайлар орын алып отырған. Осы уақыт аралығында 12 мыңнан астам адам зардап шеккен, ал шығын сомасы он миллион доллардан асып түскен.
Бүгінгі таңда «Туристік Қамқор» тізімінде 49 туроператор тіркелген, олармен fondkamkor.kz. сайтында танысуға болады. Бұл ретте барлығы Қазақстанда шығу туризмі саласында нақты туроператорлық қызметті жүзеге асыратын шамамен 140 компания жұмыс істейді. Қалған 80-нен астам компания өз қызметін демалыс уақытында қазақстандықтар қауіпсіздігін тәуекелге итеріп, құқықтық шеңберден тыс жүзеге асыруда.
