Нұр-Сұлтандағы жүк көлігі мен микроавтобустың соқтығысуынан зардап шеккен 11 адамның жағдайы туралы брифингте айтылды, деп хабарлайды Elitar.kz.
"Апат орнында алты жедел жәрдем бригадасы жұмыс істеді. Барлық зардап шеккендер қалалық стационарларға жеткізілді. Тексеруден кейін төртеуі ауруханаға жатқызылды, оның ішінде үш ересек және бір бала, қалғандарын мамандар тексеріп, амбулаторлық емдеуге жіберілді", - деп хабарлады брифингте Қоғамдық денсаулық сақтау басқармасы басшысының орынбасары Әлия Рүстемова.
Оның айтуынша, зардап
шеккендердің жағдайы орташа тұрақты.
"Бір жас жігіт жан сақтау
бөлімінде ауыр жағдайда, бірақ жағдайы
тұрақты. Көздің аздаған зақымдануы және
ағзалар бойынша жарақаттары бар. Екеуі
бөлімшелерге орналасты.
Бала екінші қалалық ауруханаға жатқызылды,
жағдайы орташа тұрақты. Барлығының
түрлі жарақаттары бар", - деді Рүстемова.
