03 ақпан, 18:12
Қазақстанда медицина саласының бірқатар қызметкері сыбайлас жемқорлық әрекетімен күдікке ілінді, деп хабарлайды Сыбайлас жемқорлыққа қарсы күрес қызметіне сілтеме жасай отырып Elitar.kz.
Ағымдағы жылдың қаңтар айында еліміздің бірқатар өңірлерінде сыбайлас жемқорлыққа қарсы қызметі медицина мамандарына қатысты сыбайлас жемқорлыққа күдікті бойынша сотқа дейінгі тергеуді бастады.
Шымкентте Түркістан облыстық балалар ауруханасының бұрынғы бас дәрігері 20 млн.теңгеден астам бюджет қаражатын жымқырды деп күдіктенуде. Медицина маманына ғимаратты жөндеу бойынша орындалмаған жұмыстардың қаражатын ысырап етті деп айып тағылуда.
Қостанай облысында облыс әкімдігі денсаулық сақтау басқармасының "Арқалық қаласының мамандандырылған балалар үйі" КММ бас дәрігерінің 2 млн.т еңгеден астам бюджет қаражатын ұрлауға қатыстылығы тексерілуде.
Маңғыстау облысында "Маңғыстау облыстық жедел және шұғыл жәрдем станциясы" басшысының міндетін атқарушыға қатысты тергеу басталды.
Қызылорда облысында облыстық көпфункционалды аурухананың дәрігері азаматтарды пара беруге итермелеу - "облыстық білім басқармасы" ММ-нің лауазымды адамдарына мұғалімді жұмысқа орналастырғаны үшін 600 мың теңге, "Жедел медициналық көмек" ММ-нің директорына фельдшер ретінде жұмысқа орналастырғаны үшін 500 мың теңге және алдау жолымен "жер қатынастары басқармасы" ММ-нің маманын жұмысқа орналастырғаны үшін 600 мың теңге пара алды деп күдіктелуде.
Сотқа дейінгі тергеу жалғасуда. Күдіктілердің кінәсінің дәрежесі туралы түпкілікті шешімді сот шығарады.
Автор:
Elitar.kz
