Шымкент қалалық денсаулық сақтау басқармасының мәліметінше, мегаполисте коронавирус диагнозы расталған төрт адам бұған дейін қауіпті инфекция жұқтырған адаммен қарым-қатынаста болған. Олар карантиндік стационарға жатқызылып, зертханалық сынамалар алынған.
ПТР диагностикалық зерттеу қорытындысымен COVID-19 диагнозы нақтыланды.
Қазіргі таңда науқастардың жағдайлары қанағаттанарлық. Бекітілген хаттамаға сәйкес тиісті ем жүргізілуде.
Науқастармен қарым-қатынаста болған адамдар анықталып, медициналық бақылауға алынуда.
Ауру ошақтарында эпидемиологиялық зерттеу, дезинфекциялық жұмыстар жүргізіліп жатыр.
10.04.2020 жылғы жағдай бойынша қалада COVID-19 коронавирус инфекциясын жұқтырған жалпы 31 адам анықталды.
