Осылайша, газеттер мен журналдарға "халық арасында оқу мәдениетін сақтау" үшін қолдау көрсетілмек, деп хабарлады Ақпарат комитеті басшысының орынбасары Нұрлыбек Жеңісбекұлы Мәскеуде өтіп жатқан "Өзгермелі әлемдегі медианы дамыту" ТМД елдерінің медиафорумында. Бұл туралы Elitar.kz Sputnik.kz сілтеме жасай отырып хабарлайды.
Қазақстандағы баспа БАҚ халықтың оқу мәдениетін сақтау үшін салықтан босатылуы мүмкін. Бұл туралы ҚР Ақпарат және қоғамдық даму министрлігі Ақпарат комитеті төрағасының орынбасары Нұрлыбек Жеңісбекұлы Мәскеуде өтіп жатқан "Өзгермелі әлемдегі медианы дамыту" ТМД елдерінің медиафорумында мәлімдеді.
"Қазіргі уақытта баспа құралдарының таралымы төмендеуде. Соған қарамастан, халықтың оқу мәдениетін сақтау мақсатында мемлекет тұрақты негізде баспа басылымдарын қолдау шараларын қабылдауда. Мысалы, "БАҚ туралы" заңға баспа басылымдарын ҚҚС салығын төлемейтін БАҚ тізіміне енгізу бөлігінде өзгеріс енгізу жоспарлануда", - деді Нұрлыбек Жеңісбекұлы.
Ол қазіргі уақытта медиа индустрия қарқынды дамып келе жатқанын атап өтті. Бұған БАҚ-тың жедел жұмысында бірегей мүмкіндік берген жаңғыртылған және технологиялық медиа жабдықтар мен нормативтік база дәлел болып табылады.
Ақпарат комитеті төрағасының орынбасарының деректері бойынша, егер 2018 жылы Қазақстанда 3 мыңға жуық БАҚ тіркелген болса, бүгінгі күні Қазақстанда 5 мыңнан астам БАҚ тіркелген. Бұл санның өсуі медиа саланы дамыту мүмкіндіктерінің дәлелі болып табылады.
Сондай-ақ, Қазақстанның Ақпарат және қоғамдық даму министрлігі шетелдік БАҚ үшін қолжетімділік пен ашықтықты қамтамасыз етеді, сондай-ақ БАҚ-тың шет тілдерінде таралуын қамтамасыз етеді. БАҚ тізілімінде 280 шетелдік телерадиоарналар тіркелген, олардың 150-ден астамы орыс тілінде, 12-сі ағылшын тілінде, қалған 74-і орыс және ағылшын тілдерінде таратылады.
