18 ақпан, 13:03
Бас прокуратура Қордайда полицейлерге кұш қолданғандардың ісін тергеу аяқталғанын хабарлады.
Ағымдағы жылдың 7 ақпанында Жамбыл облысы, Қордай ауданы Сортөбе ауылында жол полициясы қызметкерлерімен патрульдеу кезінде Л.Воингуйдің басқаруындағы «Хонда Одиссей» автокөлігі тоқтатылған.
Көлікке арналған құжаттары болмағандықтан, Л.Воингуйға полиция бөліміне бару ұсынылған.
Алайда, ол офицерлердің талаптарын орындамай, үйіне қарай бет алған және кейіннен ағалары А. Воингуй және М. Воингуймен бірлесіп полиция қызметкерлеріне күш қолданған.
Осы оқиғаның видеосы бұқаралық ақпарат құралдары мен әлеуметтік желілерде таратылған болатын.
Аталған факті бойынша Бас прокуратураның арнайы прокурорымен Қылмыстық кодекстің 380-бабының 1-бөлігі (билік өкіліне қатысты күш қолдану) бойынша сотқа дейінгі тергеу жүргізілді.
Үш айыпталушы өз кінәларын толық мойындап, тергеу сотымен қамауға алынды.
Ағымдағы жылдың 14 ақпаны күні қылмыстық іс айыптау актісімен Қордай аудандық сотына жолданды.
Автор:
Elitar.kz
