Жамбыл облысындағы жаппай тәртіпсіздіктен кейін 90-ға жуық қылмыстық іс қозғалды. Бұл туралы Ішкі істер министрінің бірінші орынбасары Марат Қожаев мәлім етті.
Оның айтуынша, бүгінгі таңда жүздеген адамнан жауап алынды, осы оқиғадағы әрбір қатысушының рөлін бекітуге бағытталған іс жүргізу әрекеттері мен қажетті сараптамалар жүргізілуде.
Еске салсақ, 8 ақпанға қараған түні Жамбыл облысындағы Қордай ауданында жаппай тәртіпсіздік орын алды. ІІМ мәліметі бойынша, тәртіпсіздік жол бойындағы түсініспеушіліктен басталған. Салдарынан 10 азамат қаза тауып, 50-ге жуық адам ұсталды. Өрт салдарынан ондаған жеке тұрғын үйлер, коммерциялық нысандар мен автомобильдер зақымдалды.
