Іс шара мемлекеттік туды жоғарыға көтеруден басталды. Мемлекеттік туды көтеру рәсіміне Шымкент қаласының әкімі Мұрат Әйтенов, зиялы қауым өкілдері, Қазақстан халқы Ассамблеясының мүшелері, құқық қорғау органдары, сот, БАҚ басшылары, белсенді жастар және "Жастар Рухы"жастар қанатының өкілдері қатысты.
Шымкент әкімі жиналғандарды атаулы күнмен құттықтап, қаланың жетістіктерін атап өтті. Нақтырақ айтар болсақ, қалаға инвестиция тартылып, шымкент даму жолында. Жаңа мәртебеге ие болдық. Күннен күнге даму үстіндеміз. 2019 жылы Шымкент республикалық маңызы бар қала болды. Соңғы бес жылда мегапллистің дамуына 1,8 трлн теңге бөлінді. Шымкентте ағымдағы жылдың 9 айында 327,9 млрд теңге инвестицияланды. Бұл өткен жылмен салыстырғанда 20 пайызға көп. Жыл соңына қарай инвестиция көлемі 5 530 млрд деңгейінде күтілуде. Бүгінгі таңда қаланың барлық аймақтық ішкі өнімінің 40 пайызы кәсіпкерлік, 23 пайызы өнеркәсіп, 25 пайызы сауда және қызмет көрсету, 4 пайызы құрылыста. Баршаңызды Қазақстан Республикасының күнімен құттықтаймын!"- деп ізгі тілегін жолдады қала әкімі.
Мұнан соң шара патриоттық әндерге ұласты. Нақтырақ айтар болсақ, опера және балет театрының ұжымы мен Ұлттық ұланның үрмелі оркестрі рухты көтерін әндерді орындап, көңіл-күй сыйлады.
Үшінші мегаполистің тұрғындары бірге әнұран айтып, егемендіктің символына айналған көк туды көтерді.
Сонымен қатар, мемлекеттік туды көтеру салтанатты рәсімінен кейін Ордабасы алаңынан мерекелік авто-және веложарыс басталды. Оның қатысушылары жалаушалармен Шымкент қаласының орталық көшелерімен жүріп өтіп куәгерлерге мерекелік көңіл күй сыйлады
Салтанатты шара мұнымен аяқталған жоқ. Шара барысында 100-ден астам автомобильдер мен велосипедшілер бүкіл қала бойынша Мемлекеттік туды көтеріп аралап шықты. Олар Бәйдібек би ескерткішіне барып тоқтады.
Ал Шымкенттік тұрғындар болса, автомобильдер мен велосипедшілерді мақтанышпен өткізіп, құрмет көрсетті. "Мереке құтты болсын! Республика Күні Құтты Болсын! Біздің туымыз, Тәуелсіз Қазақстан дами берсін! Жаса Қазақстан! Деп қалалықтар ізгі тілектерін жолдады.
Естеріңізге сала кетейік, 13 жылдан кейін Қазақстанда ұлттық мереке – Республика күні тағы да атап өтіледі. 1990 жылғы 25 қазанда Қазақстанның Мемлекеттік Егемендігі туралы Декларация қабылданды.
25 қазан 2001 жылы мемлекеттік мерекелер тізіміне енгізілді. 2009 жылы еліміздің Тұңғыш Президентінің Жарлығымен Республика күні мемлекеттік мерекелер тізімінен шығарылды.
Қазақстан президенті Қасым-Жомарт Тоқаев 16 маусымдағы Ұлттық құрылтайдың бірінші отырысында сөйлеген сөзінде республика күніне ұлттық мереке мәртебесін қайтаруды ұсынды.
Қыркүйек айында ҚР Парламенті Сенатының депутаттары Мәжілісті қарағаннан кейін "Қазақстан Республикасының кейбір заңнамалық актілеріне кинематография, мәдениет және мереке мәселелері бойынша өзгерістер мен толықтырулар енгізу туралы"Заң қабылдады. Атап айтқанда, "Қазақстан Республикасындағы мерекелер туралы" Заңға ұлттық мереке – Республика күні – 25 қазан және мемлекеттік мереке-Тәуелсіздік күні-16 желтоқсан болып белгіленетін өзгерістер енгізілді.
