23 желтоқсан, 11:19
Сыбайлас жемқорлыққа қарсы қызметте колл-орталықтың қалай жұмыс істейтінін айтты.
Орталық тәулік бойы жұмыс істейді. Ондағы ызметкерлер құқықтық мәселелер бойынша азаматтарға кеңес беріп қана қоймай, жасалынбақ қылмыстар туралы хабарламаларды да өңірлерге жеткізіп отырады. Белгілі болғаны, орталыққа хабарласушы азаматтардың өтініштері көбіне әлеуметтік салаға қатысты.
Тек ағымдағы жылы осындай өтініштер бойынша 56 сотқа дейінгі тергеу басталды, 18-і сотқа жіберілді.
Мысалы, Алматыда 50 мың теңге көлемінде пара алған № 98 жалпы білім беретін мектептің директоры Найзабекова қыркүйек айында соттты болды. Оған 1 млн 250 мың теңге көлемінде айыппұл салынып, мемлекеттік қызметте өмір бойына еңбек етуіне шектеу қою жазасы тағайындалды.
5 қараша күні Алмалы ауданының № 2 аудандық сотының үкімімен 400 мың теңге пара алуға оқталған азамат Болатаев мемлекеттік қызметте қызмет атқару құқығынан өмір бойына айырып, оған 9 млн теңге көлемінде айыппұл салынды.
19 желтоқсан күні Атырау қалалық ІІБ Әкімшілік полиция бөлімінің аға инспекторы Д.Қалбаев азаматты әкімшілік жауапкершілікке тартпағаны үшін 40 мың теңге көлемінде пара алды деп кінәлі танылды. Полиция қызметкеріне 1 млн 200 мың теңге көлемінде айыппұл салынып, мемлекеттік қызметте және арнайы қызметте қызмет атқару құқығынан өмір бойына айырылыды.
Түркістан облысындағы бірқатар қылмыстық істер бойынша тергеу жұмыстары жалғасуда. Олар: Жетісай ауданының орта мектептерінің бірінің директорына қатысты (ағылшын тілі пәнінің мұғалімін жұмысқа орналастыру үшін азаматтан 100 мың теңге пара алған) және Сайрам ауданы әкімдігінің жұмыспен қамту және әлеуметтік бағдарламалар бөлімінің бас маманына қатысты (көпбалалы жәрдемақы аударғаны үшін пара алған).
Айта кетейік, аранйы call-орталықтың 1424 нөмірі ұялы телефоннан да, стационарлық қалалық телефоннан да қолжетімді, қоңырау шалу тегін.
Автор:
Elitar.kz
