Бізге белгілі болғаны әйел азаматы екінші қабатта тұрған.
"Ол терезеден шығып, су құбыры арқылы төмен түспек болған. Үйге жақын маңда такси тұрған. Көлік ішінде әйелді бір ер кісі күтіп отырған. Әскери қызметкерлер мен полицейлердің бақылауының арқасында тұрғын үй маңынан үш метр жерге жетер-жетпес тұста әйел адамы ұсталды. Осы сәтте таксидегі ер кісі оған көмектеспек болған. Бірақ екеуін де полицейлер пәтерге алып кірді",-деді біздің редакцияға хабарласқан куәгер.
Бұл ретте әскерилер мен полицейлердің оперативтілігіне алғыс айту керек. Ал үй карантиніне жатқызылғандарға сабырлық тілеу қажет. Себебі алдын алу шаралары жайдан-жай қолға алынбағаны анық.
Аталған оқиғаға қатысты тәртіп сақшылары мен әскери қызметшілер қандай да бір пікір білдіруге қарсылық танытты. Дегенмен бұл жағдайды жоққа да шығармады.
Фото: көрнекі
