12 наурыз, 11:15
Шымкентте 11 наурызға қараған түні куәгерлер түнгі клубтардың бірінің маңынан топ адамды көреді. Бұл арнайы операцияға ұқсас еді. Ғимаратты полицейлер қоршап алып, сол маңда 6 арнайы көлік тұрды. Шымкент қалалық полиция департаментінің өкілдері хабарлағандай, полицейлер түнгі клубтардың бірінде ерегіс болғаны туралы хабарлама түсе сала келген.
«Шымкент қалалық полиция департаментінің Әл-Фараби полиция бөлімінің 102 кезекшісіне хабарлама түскен соң оқиға орнына тез арада жедел-тергеу тобы аттанып, мән-жайды анықтады. Тексеру кезінде анық болғаны, түнгі клубтың қызметкеріне дене жарақаттары салынған. Күдікті ретінде Түркістан облысының тұрғыны ұсталды.
Қазіргі таңда ҚР ҚК 293-бабы бойынша сотқа дейінгі тергеу жалғасуда», - деп хабарлайды Шымкент қалалық полиция департаментінің баспасөз қызметі.
Автор:
Elitar.kz
