14 қаңтар, 11:57
Бұл туралы белсенді, заңгер Құрманғазы Мүсір Сарыағаш ауданының прокурорының жазған ашық хатында мәлім етті. Ол құзырлы органдар баланың әкесіне көмек беруін сұранды.
"Сарыағаш ауданының прокуроры Ж.Нұрғалиға.
Бүгін бала сот-медициналық сараптамадан өтті. Оның қорытындысы бірнеше аптадан кейін белгілі болады.
Сарыағаш ауданындағы 2 жасар баланың денесінде және басында тіліктерге ұқсас шрам көп. Әкесінің айтуынша, балада педикулез байқалады және тістеудің әртүрлі іздері бар. Бүлдіршін тамақты да жарытып жемейді, себебі жегенінің жартысын лоқсып шығарып тастайды. Бала тамақ ішпесе де іші ісініп кеткен.
Бүлдіршіннің әкесінің сөзінше, ол ұлын медициналық тексеруден өткізу үшін таңертең Шымкент қаласына жол жүрмек. Алайда ұлдың анасы баланың туу туралы куәлігін беруден бас тартып отыр.
Жомарт Нұрғалиұлы, осы тұрғыда жәрдем етуіңізді сұраймын.
PS.: Баланың әкесі ұлымен бірге 5 жастағы қызын да дәрігерлер тексеруінен өткізгісі келеді, бірақ бұрынғы әйелі (балалардың анасы) үзілді-кесілді қарсылық танытып отыр. Соған қарағанда жасыратын нәрсе болғаны ма?" деп жазды заңгер Құрманғазы Мүсір өзінің Facebook парақшасында. Бұған қоса жазба авторы бүлдіршіннің суретін де жария етті.
Автор:
Elitar.kz
