Шымкентте ҚР Ұлттық экономика министрі кәсіпкерлермен ШОБ-ты дамыту мәселелерін талқылады, деп хабарлайды ведомствоның баспасөз қызметі. Шымкентке жұмыс сапары барысында Ә.Қуантыров «Атамекен» Өңірлік кәсіпкерлік палатасының алаңында жергілікті кәсіпкерлерімен кездесті. Шара барысында қатысушылар бизнесті дамыту бойынша ұсыныстарын білдіріп, алаңдататын мәселелерімен бөлісті.
Атап айтқанда, ұн-жарма өнеркәсібі өнімдерін қайта өңдеу кәсіпорындарына қосылған құн салығын төлеу бойынша преференциялар беру, жаңа кәсіпкерлер үшін кепілсіз кредит беру түрлерін қарастыру, сондай-ақ заианауи форматтағы сауда объектілерінің құрылысын субсидиялау, тарифтік жүктемені төмендету, ШОБ субъектілерінің салық міндеттемелері және қаржылық қолдау алу үшін мемлекеттік бағдарламаларға қатысу шарттары туралы сөз қозғалды.
Ә.Қуантыров барлық айтылған ұсыныстар мен проблемалар бойынша министрліктің ұстанымын белгілеп, ведомство құзыретіне жатпайтын мәселелерді тиісті мемлекеттік органдарға жолдайтынын атап өтті.
Бұдан әрі ҰЭМ басшысы азаматтардын жеке қабылдауын өткізді. Министрмен кездесу барысында қала тұрғындары электр энергиясының құнына шағымданды. Олардың айтуынша, шағын аудандағы жеке үйдің электр энергиясына тариф 1 кВт үшін 27-ден 35 теңгеге дейін құрайды.
Өз кезегінде Қуантыров қазіргі таңда шағын аудан аумағында жаңа қосалқы станция құрылысы жүргізіліп жатқанын атап өтті. Пайдалануға берілгеннен кейін электр энергиясының құны қала бойынша орташа 18 теңгеге дейін төмендетіледі.
Сондай-ақ, тұрғындар шағын ауданды газдандыру мәселесін көтерді. Абай ауданы әкімдігінің өкілдері атап өткендей, газ құбырларын жүргізу жұмыстары Құрылыс аяқталып, барлық үйлер пайдалануға берілгеннен кейін келесі жылдың соңына дейін аяқталады. Үйлері дайын тұрғындардың 40% - ы ағымдағы жылы газ алуға дайын.
Өз мәселелерін шешу үшін негізінен бизнес өкілдері келді. Олар арнайы экономикалық аймақтар аумағында пайдалануға берілгеннен нысандарды жеке меншікке сатып алу құқығын беру мүмкіндігін қарастыруды, сондай-ақ, басым қызмет түрлерінің тауарларын, жұмыстарын, көрсетілетін қызметтерін сатудан алынған кірістер бойынша корпоративті табыс салығы сомасын 100 пайызға азайту бөлігінде, оның ішінде мемлекеттік бағдарламалар шеңберінде алынған субсидиялар нәтижелері және валютаны айырбастау бойынша ҚР Салық кодексіне өзгерістер енгізуді сұрады.
Сондай-ақ, ведомство басшысы Табиғи монополиядарды реттеу комитетінің қалалық департаментінде болып, ұйымның ағымдағы жұмысымен танысты. Ә.Қуантыров тариф белгілеу мәселелерін тұрақты бақылауда ұстауды тапсырды.
Сапар аясында министр халықаралық әуежайдың жаңа терминалының құрылысымен танысты. Бүгінгі таңда ғимараттың қаңқасын салу, қаптау және шатыр жұмыстары аяқталды, жабдықтардың көп бөлігі әкелінді. Жаңа терминал бір уақытта сағатына 3000 адамға қызмет көрсете алады.
Сондай-ақ, ведомство басшысы "Стандарт" жеке индустриялық аймағының құрылыс алаңында болды, оның аумағында экологиялық проблеманы шешу үшін қорғасын күл үйіндісін қайта өңдеу зауыты салынуда.
Индустриялық аймақтың құрылысы 2022 жылдан бастап 2024 жылға дейінгі кезеңде 3 кезеңде жоспарланған, инвесторлардың ақпараты бойынша өндірістік үй – жайлардың жалпы ауданы 2024 жылға қарай 176 мың шаршы метрді, ал инвестициялар көлемі-17,5 млрд.теңгені құрайды.
Сонымен қатар, ҰЭМ басшысы "Оңтүстік" арнайы экономикалық аймағына барып, жұмыс істеп тұрған кәсіпорындардың жұмысымен танысты.
Бүгінгі таңда "Оңтүстік" АЭА пулына құны 130,4 млрд. теңге болатын 53 жоба кіреді, олар 6,2 мыңға жуық жұмыс орнын құруды көздейді.
Сонымен қатар, 2022-2024 жылдары қолданыстағы жобаларды кеңейтуді ескере отырып, жалпы сомасы 77,2 млрд.теңгеге 22 жобаны іске қосу және 3,9 мың жұмыс орнын құру күтілуде.
Соңында министр «Даму» Қорының жергілікті филиалында болып, ұйым жұмысымен танысты.
