Чехияда программистер ақылы трассалар бойынша жол жүруге электрондық рұқсаттарды сату бойынша сервисті тегін әзірледі. Оған Көлік министрі Владимир Кремлик шамамен 16 миллион еуро жұмсамақ болған. Министр жұмыстан қуылды, деп хабарлайды varlamov.ru.
IOS және Android үшін интернет-дүкен мен қосымшаларды жасауға арналған ашық конкурс болған жоқ. Сайтты әзірлеу мен қолдауға арналған төрт жылдық келісімшарт бастапқыда Asseco Central Europe компаниясымен жасалған. Astm Digital компаниясының басшысы Томаш Вондрачек мұны абсурд деп атады және сол жұмысты бірнеше күн ішінде жасауға болатынын мәлімдеді.Бағдарламаны жасауға бөлінген қаржының айтарлықтар көптігінен бөлек, мемлекеттік сатып алудың жабық болуы программистердің ашуын тудырды. Вондрачек өз компаниясының кеңсесінде бір демалыс күні осы сервистің аналогын құруды ұсынды. Ұсынысқа 300 адам үн қатып, оның 60-ы таңдалды.
27 қаңтар fairznamka.cz сайты тест режимінде жұмыс істеді, қазір онда ауыр жарақат алған балаларға көмек көрсету қорына аударылатын виртуалды купон сатып алуға болады. Чехия Үкіметі әзірлеушілерге көмек үшін ақы төлеуді ұсынды. Алайда оны жасаушылар о баста мәлім еткендей сайтты тегін жасап бергенін айтты.
Вондрачектің айтуынша, оның компаниясы сайтты одан әрі қолдауға арналған тендерге қатыспайды. Компания қызметкерлері мен программистер қаламақысы қайырымдылыққа жұмсалады.
Бұрынғы Көлік министрі Кремлик байқаудың жабық болғанын растады. Жаңа министр Карел Гавличек автомобиль купондарын сатуға арналған сервистерді әзірлеуге арналған келісімшар әзірге жойылатынын айтты.
