Түркістан облысы Өңірлік коммуникациялар қызметінде қасиетті Рамазан айына қатысты баспасөз мәслихаты өтті, деп хабарлайды Elitar.kz.
Жиында Қазақстан мұсылмандары діни басқармасының Түркістан облысы бойынша өкіл имамы Мұсабек Ақтамберді жақсылықтар мен сауаптардың сансыз еселеніп жазылар Рамазан айындағы сауапты амалдарды айтты.
«Баршаңызды
мүбәрак Рамазан айының келуімен шын
жүректен құттықтаймын! Ұлы Жаратушының
пенделеріне тартқан теңдессіз сыйы —
қасиетті Рамазан — сансыз сезімдер мен
толып тасыған ізгі ойлардың салтанат
құрған, күн мен түн де тұтастай Жасаған
Иеміздің рақымы мен мейіріміне тұнған
ай. Басқа уақытпен салыстырғанда,
жақсылықтар мен сауаптардың сансыз
еселеніп жазылар айы да осы — Рамазан.
Ораза адам жанын тазартып, жаман
қылықтардан сақтайды», - деді Түркістан
облысының бас имамы.
Мұсабек Ақтамберді кәсіпкер, жанашыр азаматтарды көмекке мұқтаж жандарға қамқорлық көрсетуге, қайырымдылық жасауға, жетім мен жесірге мейірімділік танытып, қараусыз қалған қарттарға көңіл бөлуге шақырды.
Айта
кетейік, 6
мамыр – Рамазан айының бірінші
күні.
Биылғы
жылы пітір садақаның мөлшері 300 теңге
ретінде бекітілді.
