Түркістан облысы Мақтарал ауданында меценат-кәсіпкер қасиетті рамазан айының алғашқы күні көпбалалы отбасына баспана сыйлады. Көп жылдан бері бұл отбасы жалдамалы пәтерде тұрып келген, деп хабарлайды Elitar.kz.
Отағасы Мұхтар жұмыссыз, ІІ топ мүгедегі. Ал көпбалалы ана Ұлдықыз Мырзакент кентіндегі «Абылайхан» жалпы орта мектебінде еден жуушы болып еңбек етеді. Кәмелет жасқа толмаған бес перзенті бар.
Жақында ғана құрылған
«Мақтаарал баспана» қоры арқылы баспанаға
шын мұқтаж отбасын оразаның алғашқы
күнінде қуантуды ниет еткен кәсіпкер
Жұмабаев Орынбасар Қаппарұлы мұндай
игілікті шараның алдағы уақытта да
жалғасын табатынын айтады.
«Бұл бастама
тек басы ғана. Біз бүгінде аудан әкімінен
бастап барлық ауылдық округтердің
әкімдерінен жер учаскелерін сұрап
жатырмыз. Учаске беріліп жатса біз үй
салып беруге дайынбыз» - дейді аталған
қордың белсенділері.
