20 ақпан, 09:30
Өскемен қаласының 32 жастағы тұрғыны полициядан көмек сұрап, сүйікті жігіті өзіне тап бергенін айтқан, деп жазады Elitar.kz тілшісі.
Жәбірленушінің айтуынша, сол күнгі кеш жақсы басталыпты. Түнгі сағат 11 шамасында екеуі кешкі асты аяқтап, үйлеріне бет алғанда тосын жағдай орын алыпты.
– Жәбірленушінің айтуынша, 1984 жылы туған жігіті Энтузиастов көшесіндегі үйдің ауласында әмиянын ашық түрде тартып алған, ал оның ішінде 350 мың теңге, жеке куәлігі мен «Халық банкінің» карточкасы болған, - деп хабарлайды Өскемен қалалық полиция басқармасының баспасөз қызметі. – Полиция қызметкерлері қаланың 34 жастағы тұрғынын ұстады. Ол өз кінәсін мойындады.
Қазір осы факті бойынша ҚР ҚК 191-бабының 1-тармағы бойынша сотқа дейінгі тергеу басталды.
Автор:
Марьяна Абдельдинова, ШҚО
