Түркістан облысы Сарыағаш ауданында әккі ұры дүкен ішіндегі бар ақшаны үптеп кеткен. Сауда орны иесінің айтуынша, дүкенге түнгі уақытта белгісіз азамат ұрлыққа түсіп, ұялы телефон мен 1 миллион астам теңге ақшасын жымқырған. Жәбірленушіге 1 миллион 300 мың теңге көлемінде шығын келген. Тұрғынның арызы Қылмыстық кодекстің 188-бабы «Ұрлық» бойынша тіркелді.
«Күдікті ер адам қамауға алынып, тергеу амалдары жүргізілуде. Белгілі болғандай, ол түнгі уақытта дүкеннің сыртқы есігін бұзу арқылы ішіне кірген. Содан соң кассадағы ақша мен керекті заттарын алып, оқиға орнынан бой тасалаған» деп атап өтті облыстық Полиция департаментіндегілер.
