Түркістан облысында ақша бопсалаумен айналысып келген қылмыстық топ құрықталды.
Облыстық Полиция департаментінің мәліметінше, Криминалдық полиция басқармасының қызметкерлері мен Ұлттық қауіпсіздік комитетінің өңірлік департаменті қызметкерлерімен бірлесе жүргізген операциясы кезінде Сарыағаш қаласындағы “Қапланбек” шекара маңындағы өткізу бекетінде ұзақ уақыт бойы ТМД жүк тасымалының жүргізушілерінен 15 мыңнан 50 мың теңгеге дейін ақша бопсалаған “Сарыағаш” қылмыстық тобын құрықтады. Барлығы 13 күдікті анықталды. Олар Өзбекстан Республикасына жол жүрген азаматтар ақша беруден бас тартқан жағдайда ұйымдасқан қылмыстық топ оларды қорқытып, жәбірленушілерді ұрып-соғып, көліктердің алдыңғы әйнектерін сындырып, жүк автокөліктерінің дөңгелектерін тесіп кеткен.
Ұсталғандардың бәрі - Түркістан облысының тұрғындары, барлығы да қамауға алынды. Айғақ зат ретінде олардан қару, пышақ және ақша алынды .Қазіргі уақытта Қылмыстық кодекстің 194-бабы бойынша сотқа дейінгі тергеу жүріп жатыр.
